香港新浪網 MySinaBlog
« 上一篇 | 下一篇 »
雲海 | 24th Jun 2013 | 一般 | (14845 Reads)
在此要寫一寫第三部份,因為想大家(尤其給我的真粉)相對全面些了解。當然不能把全部寫出,以下是個大約撮要,見諒!

是關於6月10日下午跟903高層R先生的一席話,主要是我聽他所說多,由一開始是他反過來不斷發難問我:「你為何不致電問我呀?你為何不致電問我呀?(他指事後)你點解唔信我呀?你點解唔信我呀?我做乜要禁你野呀?我做乜要禁你野呀?我無怪你播!我無怪你播!.......」我感到好奇怪,以上問題是不是由我問才對呢?離奇!之後R先生不斷說:「我有乜動機呀?我有乜動機呀?我有乜動機呀?」我都無出聲,心想,動機有幾難,保住份工已經是最基本動機了。R先生不斷說:「我幾時有禁過你野呀?我幾時有禁過你野呀?只是早前有人叫我睇緊D你既節目!」我稱之鬼拍後尾枕,我也不問誰「有人」了。而R先生一再強調,一涉及商業機構你話它好或不好,也不准講,多次說我是公器私用,還清楚表明若重新判斷,也必定把那約二十分鐘剪掉!而當我問R先生:「你知唔知,xx(相熟DJ兼高層)點話我節目呢?」R先生竟說:「知!佢話你節目「無呢拿廢」嘛,佢同我講架!」吓!!!!!其實我原想指他說我離題,點知真相背後說我節目「無呢拿廢」,希望他不是指我六四內容「無呢拿廢」啦!之後R先生表示,原來他們之前兩人還開了會,討論我的節目內容,事先事後我不知情,6月15日我問監制,他事先事後也不知情!我於是問R先生三個問題:「三十年多年來,三個台,聽過任何節目是這般處理嗎?」他答不到。我問:「你預我事後會知嗎?」他說:「預了!」我再問:「你預我事後知道後無反應嗎?」他默不作聲!最後,R先生還說:「我們三人約個時間傾清楚,日後你節目點剪,點通知你!」嘩!!!我輕輕說:「好呀!揾日呀!」當晚相熟DJ兼高層還致電我,其中一句難頂到:「你而家係唔係唔比人話得先!當你朋友先話你乍!」嘩!!!!!!!好寒!

整件事要多謝森美關懷及支持,他有句好中肯:「他們不是讀media嘛!」對得很!他們的價值觀到底是什麼呢?另外,感謝劈炮當日,「謎米」及大班之邀請,不過不想好似互攻局面,暫時推了,先休息一下,非常多謝!(大班還想我做一至五晚,太多了)事件也告一段落,但從未幻想過「摩四」會如此結局,各位後會有期!


[11]

其實我係支持你離開, cr 比人河蟹 同 其他機會 有釣結 都唔係第一日 都唔出奇, 睇完呢幾編文之 整件事我感覺 係 "(有人)想整走你"

休息一下 之後搵個地方再講過. 世界之大 自有留人處


[引用] | 作者 Tony | 24th Jun 2013 | [舉報垃圾留言]

[12]

我聽了《摩4》差不多三年,真係好唔捨得。
雖天下無不散之筵席。但正如雲海你講,《摩4》係呢個情況下結束,是非常可惜。


[引用] | 作者 Glacier | 24th Jun 2013 | [舉報垃圾留言]

[13]

你去邊,我跟住去邊. 撐你呀!


[引用] | 作者 Paul | 24th Jun 2013 | [舉報垃圾留言]

[14] 心寒

先撇開唔討論當晚摩星嶺4號內容係咪有問題....
但商台處理手法就絕對係有問題,要cut 內容而無知會主持,事後由主持人自己發現....會唔會過份得滯?可能...高層真係覺得無須主持同意,咁知會一聲都要卦?
那位DJ 兼高層"朋友"更加過份,當雲海打俾佢時,佢就明顯早已經知道節目被刪部份內容,亦知道被剪原因,咁點解佢唔可以節目開始前就已經話比佢"朋友"知呢?同高層開會討論過節目內容,在公在私,為電台好、為節目好、為朋友好,係咪都應該話比"朋友"知,節目邊度有需要改善?事後一句:「你而家係唔係唔比人話得先!當你朋友先話你乍!」,乜佢真係有比過意見朋友咩?雲海已經有智能電話,有whatsapp,開會後、決定剪節目後、節目出街前,大把機會可以以高層或者"朋友"身份,向雲海解釋佢所代表嘅立場卦?結果有冇做?無!只係事後批評雲海,為自己嘅作為找理由護航,更將"不接受批評"嘅罪名扣在雲海上,朋友不是這樣當的。
仲有....在"朋友"面前扮作好人,有高層面前則把"朋友"的節目講到一文不值。有咁嘅朋友,個心唔寒就假


[引用] | 作者 Mr. M | 24th Jun 2013 | [舉報垃圾留言]

[15]

好一個「無呢拿廢」,以後唔鬼聽商台,反正重有共他既電台同網台去選擇。

Mad-Man
[引用] | 作者 Mad-Man | 24th Jun 2013 | [舉報垃圾留言]

[16]

橕~~~


[引用] | 作者 叮鈴 | 24th Jun 2013 | [舉報垃圾留言]

[17]

支持你繼續開咪, 雖然你有時(時時)真的口水多過茶, 又遲遲都唔入題, 但你要有咪, 先可以繼續資料自由. 你教識了好多香港人, 用另一面看世界, 用另一個角度, 去思考. 謝謝.


[引用] | 作者 | 24th Jun 2013 | [舉報垃圾留言]

[18] Support you!!

903高層R先生=林若寧
相熟DJ兼高層=當奴

Very disappointed with Donald


[引用] | 作者 Ron | 24th Jun 2013 | [舉報垃圾留言]

[19]

「無呢拿廢」緊要嗎?還是收聽率緊要?
要老正就聽港台啦
但係估唔到節目在背後被人陰啲陰啲
支持你經常在節目中鼓吹思想自由,而唔係一面倒的“正義”觀


[引用] | 作者 Mcmatthew | 24th Jun 2013 | [舉報垃圾留言]

[20]

R = Riley = 林若寧 ?
佢好似係填 "年少無知" 既填詞人


[引用] | 作者 Zero | 24th Jun 2013 | [舉報垃圾留言]

Previous Next