香港新浪網 MySinaBlog
« 上一篇 | 下一篇 »
雲海 | 24th Jun 2013 | 一般 | (14789 Reads)
在此要寫一寫第三部份,因為想大家(尤其給我的真粉)相對全面些了解。當然不能把全部寫出,以下是個大約撮要,見諒!

是關於6月10日下午跟903高層R先生的一席話,主要是我聽他所說多,由一開始是他反過來不斷發難問我:「你為何不致電問我呀?你為何不致電問我呀?(他指事後)你點解唔信我呀?你點解唔信我呀?我做乜要禁你野呀?我做乜要禁你野呀?我無怪你播!我無怪你播!.......」我感到好奇怪,以上問題是不是由我問才對呢?離奇!之後R先生不斷說:「我有乜動機呀?我有乜動機呀?我有乜動機呀?」我都無出聲,心想,動機有幾難,保住份工已經是最基本動機了。R先生不斷說:「我幾時有禁過你野呀?我幾時有禁過你野呀?只是早前有人叫我睇緊D你既節目!」我稱之鬼拍後尾枕,我也不問誰「有人」了。而R先生一再強調,一涉及商業機構你話它好或不好,也不准講,多次說我是公器私用,還清楚表明若重新判斷,也必定把那約二十分鐘剪掉!而當我問R先生:「你知唔知,xx(相熟DJ兼高層)點話我節目呢?」R先生竟說:「知!佢話你節目「無呢拿廢」嘛,佢同我講架!」吓!!!!!其實我原想指他說我離題,點知真相背後說我節目「無呢拿廢」,希望他不是指我六四內容「無呢拿廢」啦!之後R先生表示,原來他們之前兩人還開了會,討論我的節目內容,事先事後我不知情,6月15日我問監制,他事先事後也不知情!我於是問R先生三個問題:「三十年多年來,三個台,聽過任何節目是這般處理嗎?」他答不到。我問:「你預我事後會知嗎?」他說:「預了!」我再問:「你預我事後知道後無反應嗎?」他默不作聲!最後,R先生還說:「我們三人約個時間傾清楚,日後你節目點剪,點通知你!」嘩!!!我輕輕說:「好呀!揾日呀!」當晚相熟DJ兼高層還致電我,其中一句難頂到:「你而家係唔係唔比人話得先!當你朋友先話你乍!」嘩!!!!!!!好寒!

整件事要多謝森美關懷及支持,他有句好中肯:「他們不是讀media嘛!」對得很!他們的價值觀到底是什麼呢?另外,感謝劈炮當日,「謎米」及大班之邀請,不過不想好似互攻局面,暫時推了,先休息一下,非常多謝!(大班還想我做一至五晚,太多了)事件也告一段落,但從未幻想過「摩四」會如此結局,各位後會有期!


[1]

快D過去大班做啦!支持你!


[引用] | 作者 Renfred | 24th Jun 2013 | [舉報垃圾留言]

[2]

去D100啦,做星期六、日幾好!


[引用] | 作者 KelvinK | 24th Jun 2013 | [舉報垃圾留言]

[3]

「無呢拿廢」是商台的高層們....


[引用] | 作者 Ralph wong | 24th Jun 2013 | [舉報垃圾留言]

[4]

即係話,兩個人由此至終,都無講出要刪除個20分鐘既真正原因,只係比左d片面既理由出黎,唔係理由既理由,佢地都係有口難言唔敢講真相出黎。

有聽開903既網友,都知有其他dj都有鬧其他機構,不過佢地又無事個下又真係幾神奇。

我明白,有d野唔係咁方便講出口。不過成件事,都睇到香港人被邊緣化得好緊要,好多香港人都係朦然不知,自己正是一隻在溫水裡的井底之蛙。

Mad-Man
[引用] | 作者 Mad-Man | 24th Jun 2013 | [舉報垃圾留言]

[5]

SUPPORT 雲海!!!


[引用] | 作者 susuki | 24th Jun 2013 | [舉報垃圾留言]

[6]

沒有了魔4對我是很失落絕不星「無呢拿廢」....

還一路以為那高層DJ都是好靈異類無想過佢會在他人面前說出對魔4那麼不專重的話,作為雲海fans的我深深對高層DJ失望,雲海你的傷害一定更大!

我絕對支持雲海你離開903,這裡的高層不是為大眾只為自已。知你一路以來很喜歡903無奈已不是當年的好時代。


[引用] | 作者 jennifer | 24th Jun 2013 | [舉報垃圾留言]

[7]

記得由 港台JASON&MARTIN&小鳳, SINATV, 夜爸爸與夜媽媽, PAPAJAY, 當奴, 魔星嶺4號 聽到而家, 甚至 06年 去過 APM 聽過你講座, 你轉去邊個平台都會繼續支持你.


[引用] | 作者 Kk | 24th Jun 2013 | [舉報垃圾留言]

[8]

如果你認同他們這次的處理手法,那麼同樣事件就會一而再再而三甘發生,以後你就會按照他們的意願做節目。如果你辭職,即系而家甘,他們就成功讓那個「無呢拿廢」的人消失....點講距地都無舌底.....難道這個就是真相嗎.....哎.....

大陸這邊消息封鎖厲害,不管雲海你之前所講過的是陰謀論還是確有其事,起碼提供了多一個渠道多一個角度讓我們去瞭解這個世界。

雲海,支持你~希望快快有新節目!


[引用] | 作者 pia | 24th Jun 2013 | [舉報垃圾留言]

[9]

做咩都好..盡量做多D.!!
有機會聽到都好開心!!!
趁仲有能力..!!
一星期一晚太少,一星期2晚..星期6,日..
希望做到..!!
確實想了解事情既真相..
第一壓力來源,
第二,壓力來源的權力.
盡快復出..支持你


[引用] | 作者 DANIEL0713 | 24th Jun 2013 | [舉報垃圾留言]

[10]

真係估唔到會咁完,最好笑係最後一集無阿祖,我第一集聽到宜家,節目含大量另類資訊,本人很喜歡。有機會開新節目要叫佢開咪交代感受。


[引用] | 作者 Roger | 24th Jun 2013 | [舉報垃圾留言]

Next