香港新浪網 MySinaBlog
« 上一篇 | 下一篇 »
雲海 | 5th Nov 2010 | 一般 | (8169 Reads)
關於「魔鬼論」事件,早前一位叫馬勵志的仁兄,撲出來向各傳媒澄清,只是他作為教徒,向教區要求嚴肅處理羅國輝神父的言論。這個姓馬的,到底是何方神聖?據報道指他是長實企業策略部總監及企業業務發展首席經理、並身兼長江信息有限公司及和記電訊替任董事。即係乜?即係李生隻馬!好彩佢無跟阿媽姓!

他在後來的「澄清」中,表達意思為無話李生要告人或李生無表示什麼,只是他自己對羅神父對李生的言論感到失望和無奈,他不明白李生為何要受到不公平的侮辱,又表示對「教會良莠不齊感到遺憾」!這句話到底是形容羅神父?還是他自己呢?

仔細想想整件事,真的有太多不明白的地方,要這天主教徒回答一下,令我這些外教人理解一下﹕
一﹕若馬生一早就知道是傳媒的「抄作」,為什麼還會高調致電教區副主教楊鳴章「責難」呢?
二﹕為什麼會「選擇」直接致電楊鳴章,而非其他人或其他副主教「查詢」?因為教區內誰都知道,楊羅二人一向不咬絃。是有心?還是巧合?
三﹕若求知道真相,為何不直接找羅神父問清楚?聖經不是教教徒,直接找有過節的兄弟談嗎?你無睇過這經文?
四﹕你以香港明愛財務委員會的身份致電及出信嗎?
五﹕你以香港童軍總會財務委員會的身份致電及出信嗎?
六﹕若果第四及五題為「否定」,以你邏輯,那麼為什麼當晚羅神父代表個人的言論,會忽然代表教會或教區呢?
七﹕李老細有表達過有關想法嗎?你是讀心術家?還是讀雞肋家?
八﹕你知道耶穌曾直接罵過彼得為撒旦嗎?好彩彼得條靚無同佢老母投訴乍!
九﹕你知道在你教會的教義中,人是無權定別人所言是對是錯嗎?這是天主的權責。你與天主同等?慶幸我無信你個教!
十﹕你在侍奉天主?還是侍奉金錢?

我也知道身為貴族的天主教徒馬勵志先生,也不可能會上我此小人物的blog,若出現神蹟,懇請回我十問,電郵是wanhoi@wanhoi.com ,阿門!


[1]

有時候, 很高興雲海先生是叛教徒, 這十問題很有力.


[引用] | 作者 | 5th Nov 2010 | [舉報垃圾留言]

[2]

you a 50% 教徒 .......XD

外星人conan
[引用] | 作者 外星人conan | 5th Nov 2010 | [舉報垃圾留言]

[3]

不知雲海兄有否在網上睇過 (李氏禱文) 呢?

我們在中環的超人
願人都尊你的姓為李
願李的國降臨
願李的旨意行在香港
如同行在長實。
我們日用的物品
百佳賣給我們
免李家的稅
如同我們免窮人的福利
不叫我們遇到風球
救我們脫離黑雨
因為住屋、電力、交通,
全是李的,直到永遠。 阿門

可能這位叫馬勵志的仁兄, 平時的禱告文就時這個!!! 他信的不是大家信的那位主!!


[引用] | 作者 紅丸 | 5th Nov 2010 | [舉報垃圾留言]

[4]

好明顯,馬生既主子係李生,而唔係上帝。
衣食父母喎,緊係護主心切啦。

有某d所謂既教徒,個個星期日返church
都唔代表一切既,有d理性信主,有d盲
目信主,有d唔知為乜信主,有d為利益
信主,真係乜野人都會有。

Mad-Man
[引用] | 作者 Mad-Man | 5th Nov 2010 | [舉報垃圾留言]

[5]

香港的"富貴"~說不得 ! 問也不得 ! 改也改不了 !
全家富貴........


[引用] | 作者 OSCK | 5th Nov 2010 | [舉報垃圾留言]

[6]

立即撲出來護主﹖好狗好狗...... :)

阿神父highigh地講既一番高論,深得市民大眾歡心,簡直是說出心底話,李生係告就快手,搞大件事睇下邊個無面﹖ XD 如果天主教神父都要怕你地產商,香港真是姓李既地頭。封殺晒d教堂呀笨﹗


[引用] | 作者 艾力 | 5th Nov 2010 | [舉報垃圾留言]

[7]

有d人笨得好可憐,只會睇到說話既表面,
而唔會去用腦去唸下說話內容既背後意義。

又要引用雲海經常向節目會講既一句說話

"你明既就明,唔明既罷就"

Mad-Man
[引用] | 作者 Mad-Man | 5th Nov 2010 | [舉報垃圾留言]

[8]

馬勵志呢條屎泥馬响義利之間揀咗利, 呢啲利益都係物質嘢, 都係魔鬼用嚟收買世人毒化人心嘅嘢, 既然馬勵志已經委身於魔鬼加入敵基督陣營, 咁佢就同佢跟隨嘅魔鬼一齊被耶和華判罰啦。

羅國輝神父為公義發聲, 為貧苦弱勢消消氣, 香港教區有佢幫手真係執倒, 完全成功地保著教會嘅正直不阿嘅形象, 無懼敵基督陣營嘅地產霸權, 佢已經成為我心目中香港教區嘅良知代表人物喇。


[引用] | 作者 LU | 5th Nov 2010 | [舉報垃圾留言]

[9]

教徒都會有真假,自稱教徒唔代表佢知道誰是主和明白經文內的道理,而且撒旦最叻係扮嘢和做假......


[引用] | 作者 hc | 5th Nov 2010 | [舉報垃圾留言]

[10]

姓馬尼個粉人係想用$$壓人!


[引用] | 作者 BBC | 5th Nov 2010 | [舉報垃圾留言]

Next